Blloku i II i zonave mahnitëse turistike të bregdetit Jonian!
Vunoi-Jali, është një nga plazhet me të bukura në të gjithë bregdetin Jonian, i strukur thellë, mes kodrinave me ullinj e me shtëpitë e bukura të vunoit mbi kokë, gjelbërimit të përhershëm të shkurreve. Historia e këtij fshati është e vjetër, madje thuhet se ka ekzistuar që në periudhën e bronxit. Në kadastrat turke Vunoi quhej "Vane" për shkak të shtëpive mbi njëra-tjetrën. Në Vuno gjenden disa nga objektet e kultit nga më të veçantat për shkak të arkitekturës dhe historisë së tyre. Vunoi është i ndarë në dy zona: ajo e larta, e karakterizuar nga shtëpi të bukura të bardha me dyer shumëngjyrëshe edhe ajo e ulëta ku ndodhen kishat e lashta ortodokse.
Piluri, ballkoni i bregdetit, ku fal investimeve në infrastrukturën rrugore si dhe rehabilitimin e qëndrës së fshatit, vitet e fundit është kthyer në një nga atraksionet turistike më të vizituara përgjithsisht të huaj por edhe vendas. Ndonëse fshati i pilurit ndodhet jo në vijën bregdetare, dhe kur shkon aty duket sikur malet, deti dhe qielli bashkohen në një pikë. Pikërisht, kjo është arsyeja pse fshati pilur po tërheq dita-ditës e më shumë vëmendjen e turistëve. Ku tjetër mund të organizohej festivali i traditës për këngën labe, veçse në Pilur, me mbretëreshën e polifonisë "Bejkë e Bardhë". Nga 2019 nisi festivali i kengës "Bejkë e Bardhë" i cili do të zhvillohet çdo vit me pjesmarje nga gjithë krahina.
Lukova perla e bregut të Jonit, ku gjelbërimi i pafund bashkohet në harmoni të plotë me ngjyrën e kaltër të detit Jon, ku klima bregdetare gërshetohet mrekullisht me klimën malore, . Lukova është një ndër fshatrat karakteristike të bregdetit të poshtëm . Natyra e paprekur, uji i kristaltë i Jonit me ngjyrën e veçantë, fshati me kalldrëmin e tij karakteristik, me shtëpitë tipike me muret mbuluar me lule, plazhet e arta. Lukova është fshat i krishterë me tri kisha.
Piqerasi-Buneci Fshati me shtëpitë e bardha prej guri, me çatitë e kuqe, me dritaret nga deti rrethuar me oborre e platacione agrumesh, të hapura "me thonj" mbi gurë e shkëmbinj. Manastiri i fjetjes së Hyjlindëses së Krimasovës ndodhet në një pozicion dominues, në një kodër pitoreske mbi fshatin Piqeras. Sipas një date që gjendet e gdhendur në një gur të murosur mbi portën Jugore të kishës, manastiri është ndërtuar në vitin 1612. Kambanorja e kishës, që ka në kambanë datën 1744, është dhuratë nga Piqerasiotët e emigruar. Plazhi i Bunecit një tjetër perl e Jugut, është i qetë dhe disi i pazakontë. Bregu me guralece të bardhë, ndahet nga një përrua, që zbret nga malet e larta. Perëndimi duket i mrekullueshëm prej plazhit të Bunecit.
